اتمنى ان تنال اعجابكم
القصير
الليلة الليلة الروح مشتاقه مشتاقه للعب مع كل عصباني
بالمنتدى سجلوها رباعيه واللي يبا اللعب لايمسك الصفه
الماهر
نبي لنا صفوف بالحيل ذواقه ماتقطف الورد من كل بستاني
وانا معك من جفل لارحم حيه لابد انا وانت مانرجح الكفـه
ابو فارس
الليله الليله ارعود براقه والجو يابوحسـن تومازانـي
بالمنتدى سجلوها طبيعيه واحرص مع الخط لاجاتك الفه
ابو تركي
أدخل مع الباب لاتقرب الطاقه خابرك مسلم متى صرت نصراني
لوقلت سلام يالربع وتحيه صاحبك من فرحته مـد لـك كفـه
القصير
خابرك من ناس للخير سباقه لاغاب واحد يجي واحدِ ثانـي
والجو يصفى ليا صفية النيه خلك على الهون لاتقرب الحفه
الماهر
بعض العرب صاير شوفه اشفاقه عقب الصداقه غدا اليوم قوماني
جاني سلامه ولا وصلني زيه اركد علامك تقـل صايبـك خفـه
ابو فارس
اللي حضرباول الشوط له باقه واللي تغيب ترا مقصده عاني
النيه الصادقه تدفع السيه والنـور لاترفعـه هـون وطفـه
ابو تركي
بعض العرب يحسب الناس مفتاقه وصله سلامي ولارد له جاني
من فضل ربي ترانا غناويـه العلـم واضـح ولاتقـدر تلفـه
القصير
الشوط الاول وراء البيت ورواقه مافيه كاسب ولافيه خسراني
والشوط الآخر به ارقام سريه ماهي على الكيف تاتيك منصفه
الماهر
فهمك مدهورك والنار حراقه انت الغناوي ولكـن طفرانـي
ادخل من الشمس وارتاح بالفيه ماكل منهو سعى مدرك شفه
ابو فارس
الشوط الاول عجز تنهضه ساقه واليوم صاح التميمي لعتباني
والشوط الاخربه الدبلماسيه لاتشهرالسيـف واليـد مرتفـه
ابو تركي
فهم العتيبي موديه لاغراقه خلاه يمشي مع الـدرب عميانـي
واصبح كما قولت امثال شعبيه اطرش ويمشي مع الناس بالزفه
القصير
زانت علومك ولكنها دقاقه عطني من الراس جزلات وسماني
وجهتك ياراعي السيف غربيه لعلها هفـت مقيـط منهفـه
الماهر
الظاهر ان الولد حرقت اوراقه حاولت ابين له الدرب ممداني
جهزت له ياهل الدار مرثيه ياصاحبه مانقـص عننـا وفـه
ابو فارس
بعطيك من علمي الطيب اذواقه يابو حسن وانت حذراك تعصاني
وعلتك ماهي علينا بمخفيه واذاطلع من محاجـرك شـي جفـه
ابو تركي
مالك بما تحمل اوراقنا طاقه انته تبا علـم دانـه ويادانـي
حجتك من ماض الايام مقريه ليت القصير عطى صاحبه دفه
القصير
ليت المعلم بقي ظل مشراقه مابان للناس ياليت ماباني
يلعب رفيحي ومرات دحيه خلا الجماهير بالحيل ملتفه
الماهر
طل ابوتركي بعوده ومخفاقه ماناقص الملعبه كود طيراني
وده يحرض علينا النبشتيه من كثر ماينتخي يبست الشفه
ابو فارس
كثير شفنا من الناس هلاقه لكن مثلك ماشفنا ياحساني
انا لعبت الرفيحي ورديه والاانت بالطبل شافوك بالضفه
ابو تركي
قام العتيبي يغني على ابواقه ويسمع الناس من كل الالحاني
مره عراقي ومره يمانيه وان نشف حلقه يطريـه بالسفـه
القصير
الليل والليلٍ يا كثر عشاقه به صاحبي معترف ذرب الايماني
وانا بعدهابخاويه ماويه ماهوصغيـر كمـا الطفـل باللفـه
الماهر
بالهون بالهون ياقايد الناقه وش فيك حيران هيمان بلشاني
كب اليماني وكب العراقيه يامعذب الخيل والهيـل والعفـه
ابوفارس
التاجر اللي بلش داخل اسواقه يجيبها فاضي ونوب ملياني
لاترمي الرميه اللي سماويه الرميه اللي بلا عيار بالهفـه
ابو تركي
صاحبك لانه عطى عهد ماباقه وانته تلبسك مليون شيطاني
نيتك فالناس قشرى وملويه مبداك ماتضمره للعرب خفـه
القصير
ا لتاجر اللي بلش يبست ارياقه يصرف ذهب والذهب راح مجاني
ياتاجر السوق فكر بجديه من يلبـس الخـامِ مايشـري الدفـه
الماهر
الحر يافي بعهده وميثاقه الياعطا العهد والوعد ماخانـي
وانته شمالي رياحك شماليه اليا لفت مابقى بالفضاء تفه
ابو فارس
لقيت لي ناس بالحيل هباقه نصحته السنين لكن عياني
ارتاح لاتفكر بروحه وجيه ملك بهاوقلبك لصاحبك صفه
ابو تركي
الحر ما بينك وبينه علاقه انته تشابه لطير ابن برماني
يرجي لفيده وجا ناقل الحيه بالخير ماضف جنحه ولارفه
« آخـــر الــمــواضــيــع »
02-04-2010, 05:52 PM
رباعيه؛ القصير؛ الماهر ؛سالم ؛ابو تركي
العرض العادي
